Shukra Kavacham in Telugu

.                                 శుక్ర కవచం

.                             శ్రీ గణేశాయనమ:

అథ ధ్యానమ్‌

మృణాలకుందేందుపయోజసుప్రభం పీతాంబరం ప్రసృతమక్షమాలినమ్‌ |

సమస్తశాస్త్రార్థ విధిం మహాంతం, ధ్యాయేత్కవిం వాంఛితమర్థ సిద్ధయే ||

అథ శుక్ర కవచమ్‌

ఓం శిరో మే భార్గవ: పాతు భాలం పాతు గ్రహాదిప: |

నేత్రే దైత్యగురు: పాతు శ్రోత్రే మే చందనద్యుతి: ||

పాతు మే నాసికాం కావ్యో వదనం దైత్యవందిత: |

వచనం చోశనా: పాతు కంఠం శ్రీకంఠ భక్తిమాన్ ||

భుజౌ తేజోనిధి: పాతు కుక్షిం పాతు మనోవ్రజ: |

నాభిం భృగుసుత: పాతు మధ్యం పాతు మహీప్రియ: ||

కటిం మే పాతు విశ్వాత్మా ఊరూ మే సురపూజిత: |

జానుం జాడ్యహర: పాతు జంఘే జ్ఞానవతాం వర: ||

గుల్ఫో గుణనిధి: పాతు, పాతు పాదౌ వరాంబర: |

సర్వాణ్యంగాని మే పాతు స్వర్ణమాలాపరిష్కృత: ||

య ఇదం కవచం దివ్యం పఠతి శ్రద్ధయాన్విత: |

న తస్య జాయతే పీడా భార్గవస్య ప్రసాదత: ||

||ఇతీ శ్రీ బ్రహ్మాండపురాణే శుక్రకవచమ్‌ సంపూర్ణమ్‌ ||