Shiva Namavali Ashtakam in Telugu

Shivanamavali astaka

|| శివ నామావళి అష్టకమ్‌ ||

హే చంద్రచూడ  మదనాంతక శూలపాణే
స్థానో గిరీశ గిరిజేశ మహేశ శంభో
భూతేశ భీతభయసూదన మామనాథం
సంసారదు:ఖ గహనాజ్జగదీశ రక్ష |||౧||

హే పార్వతీహృదయవల్లభ చంద్రమౌళే
భూతాధిప ప్రమథనాథ గిరీశ చాప
హే వామదేవ భవరుద్ర పినాకపాణే
సంసారదు:ఖ గహనాజ్జగదీశ రక్ష ||౨||

హే నీలకంఠ వృషభధ్వజ పంచవక్త్ర
లోకేశ శేషవలయ ప్రమథేశ శర్వ
హే ధూర్జటే పశుపతే గిరిజాపతే మాం
సంసారదు:ఖ గహనాజ్జగదీశ రక్ష ||౩||

హే విశ్వనాథ శివశంకర దేవదేవ
గంగాధర ప్రమథనాయక నందికేశ
బాణేశ్వరాంధకరిపో హరలోకనాథ
సంసారదు:ఖ గహనాజ్జగదీశ రక్ష ||౪||

వారణాసీ పురపతే మణికర్ణకేశ
వీరేశ దక్ష మఖకాల విభో గణేశ
సర్వజ్ఞ సర్వ హృదయైకనివాస నాథ
సంసారదు:ఖ గహనాజ్జగదీశ రక్ష ||౫||

శ్రీమన్మహేశ్వర కృపామయ హే దయాళో
హే వ్యోమకేశ శితికంఠ గణాధినాథ
భస్మాంగరాగ నృకపాల కపాలమాల
సంసారదు:ఖ గహనాజ్జగదీశ రక్ష ||౬||

కైలాసశైల వినివాస వృషాకపే
హే మృత్యుంజయ త్రినయన త్రిజన్నివాస
నారాయణ ప్రియ మదాపహ శక్తినాథ
సంసారదు:ఖ గహనాజ్జగదీశ రక్ష ||౭||

విశ్వేశ విశ్వభవ నాశక విశ్వరూప
విశ్వాత్మక త్రిభువనైక గుణాభివేశ
హే విశ్వబంధు కరుణామయ దీనబంధో
సంసారదు:ఖ గహనాజ్జగదీశ రక్ష ||౮||

గౌరీవిలాస భువనాయ మహేశ్వరాయ
పంచాననాయ శరణాగత కల్పకాయ
శర్వాయ సర్వజగతా మధిపాయ తస్మ్యె
దారిద్ర్య దు:ఖదహనాయ నమ:శివాయ ||

|| ఇతి శ్రీమత్ శంకరాచార్య విరచిత శ్రీ శివనామావల్యష్టకం సంపూర్ణం ||

Leave a Reply

Your email address will not be published. Required fields are marked *