Vishwanathashtakam in Telugu

Vishvanathastakam

|| విశ్వనాథాష్టకం ||

గంగాతరంగ రమణీయజటాకలాపం
గౌరీ నిరంతర విభూషితవామభాగం
నారాయణ ప్రియమనంగ మదాపహారం
వారాణసి పురపతిం భజ విశ్వనాథం  ||౧||

వాచామగోచర మనేక గుణస్వరూపం
వాగీశ విష్ణుసురసేవిత పాదపీఠం
వామేన విగ్రహవరేణ కళత్రవంతం
వారాణసి పురపతిం భజ విశ్వనాథం  ||౨||

భూతాధిపం భుజగ భూషణ భూషితాంగం
వ్యాఘ్రాజినాంబర ధరం జటిలం త్రినేత్రం
పాశాంకుశాభయ వరప్రద శూలపాణిం
వారాణసి పురపతిం భజ విశ్వనాథం  ||౩||

శీతాంశు శోభిత కిరీటవిరాజ మానం
పాలేక్షణానల విశోషిత పంచబాణం
నాగాధిపారచిత భాసుర కర్ణపూరం
వారాణసి పురపతిం భజ విశ్వనాథం  ||౪||

పంచాననం దురితమత్త మాతంగజానం
నాగాంతకం దనుజపుంగవ పన్నగానాం
దావానలం మరణశోకజరాటవీనాం
వారాణసి పురపతిం భజ విశ్వనాథం  ||౫||

తేజోమయం సుగుణ నిర్గుణ మద్వితీయం
మానందకంద మపరాజిత మప్రమేయం
నాదాత్మకం సకళ్నిష్కళ మాతృరూపం
వారాణసి పురపతిం భజ విశ్వనాథం  ||౬||

ఆశాం విహాయ పరిహృత్య పరస్య నిందా
పాపే రతిం చ సునివార్య మనస్సమాధౌ
ఆదాయ హృత్కమల మధ్యగతం పరేశం
వారాణసి పురపతిం భజ విశ్వనాథం  ||౭||

రాగాది  దోషరహితం స్వజనానురాగ
వైరాగ్య శాంతినిలయం గిరిజా సహాయకం
మాధుర్య ధైర్యసుభగం గరళాభి రామం
వారాణసి పురపతిం భజ విశ్వనాథం  ||౮||

వారాణసీపురపతే: స్తవనం శివస్య
వ్యాసోక్త మష్టకమిదం పఠతే మనుష్య:
విద్యాం శ్రీయం విపుల సౌఖ్య మనంతకీర్తిం
సంప్రాప్య దేహవిలయే లభతే చ మోక్షం
విశ్వనాథాష్టకమిదం య: పఠేచ్ఛివసన్నిధౌ
శివలోక మవాప్నోతి శివేనసహమోదతే

||ఇతీ శ్రీమద్వేదవ్యాసవిరచిత విశ్వనాథాష్టకం సంపూర్ణం ||

Leave a Reply

Your email address will not be published. Required fields are marked *

%d bloggers like this: